DRC: Ghasia zinaendelea Kwango, watano wauawa na wanamgambo wa Mobondo kijiji Tadita

Wanamgambo wa Mobondo wanaendelea kuzusha hofu katika jimbo la Kwango, licha ya amri ya kutotoka nje iliyowekwa na serikali ya mkoa huo. Takriban watu 5 waliuawa na wanamgambo wa Mobondo usiku wa kuamkia Alhamisi hadi Ijumaa wakati wa shambulio katika kijiji cha Tadita. Washambuliaji pia walichoma moto nyumba kadhaa. Mashirika ya kiraia yanaripoti kuhama kwa watu kutoka vijiji kadhaa kufuatia shambulio hili.

Wiki iliyopita, takriban vifo 11 vilirekodiwa baada ya mapigano kati ya wanamgambo wa Mobondo na jeshi katika kijiji cha Batshongo kwenye RN1 huko Kwango. Miongoni mwa wahasiriwa, askari wawili akiwemo afisa mkuu, polisi na raia. Mapigano hayo pia yaliathiri Mongata ambayo iko mjini Kinshasa.